-Lka Chawngthu
1. CHANCHIN TLANGPUI (Story highlights):
Scientist-te chuan Naute insiam chho tur, a indin chhoh tan tirh te (earliest stages) laia a DNA chu an khawih danglam thei (thiang) ta.
He an thil zir chianna (research) atang hian eng ang takin nge mipa chi leh hmeichhe chi infin tawh chu a lo thran chhoh tih fiah taka hriat chian theih beisei a ni.
He thil zir chianna program hi- a bik taka naute duan chhuah or duh ang tak naute siam chhuah (designer babies) te nen pawh a in kaihhnawih tel nghal vek dawn a ni.
2. CHIPCHIAR ZAWKIN:
British scientist-te chu mihring embryo DNA khawih danglam a, genetically modify human embryo siam chhuah tumin ke an pen tan dawn ta a, hei hi an ram history-a khawvel awm tirh ata a vawi khatna tur a ni. Amaherawh chu he thil hi naute tak tak siam chhuahna tur la ni rih lovin, zir chianna tur liau liau chauh (for research purposes only) a la ni rih thung.
Heng naute-a la insiam chho tur, mihring embryo DNA an khawih danglamte hi naute puitling anga pian chhuahtir tura hmeichhe chhul chhunga dah luh erawh phal a ni lo va. He thil hian a tum ber chu mihringa lo insiam chho tur, mipa chi leh hmeichhe chi infin ten an siam, ‘zygote’ an tih mai chu eng ang takin nge mihring nih phung tura a lo danglam chhoh dan tih hriat chian chu a ni.
He research phalna petu hi HUMAN FERTILIZATION AND EMBRYOLOGY AUTHORITY (HFA) a ni a, he research tihna atan hian nupa, tun hmaa an ‘chi’ (gametes) te mihring taksa pawn lama infin tir a, hlawtling taka test tube babies hring tawhte’n mihring embryo, research tih nana an hman tur hi an thawh leh dawn a ni.
Scientist-te chuan mipa chi (sperm)-in hmeichhe chi (egg/ovum) a va zawm hnu chiah, fertilized egg (hmeichhe chi, mipa chi nena infin tawh) chu ni 7 chhungin engtin nge a thran chhoh dan tih an zir ngun zual bik ang a. Hemi ni 7 chhovah hian fertilized egg chu cell (timur) pakhat chauh a nih atangin a inthlahpung ang a, cells (timur) 250 vel bawrah a insiam hman dawn a ni.
He an zir chianna tur hi Francis Crick Institute, London-ah neih a ni ang a, an hotu ber chu Dr. Kathy Niakan a ni. Dr.Kathy hi British Science community hruaitute chuan nasa takin an fak bawk a ni.
He research tihna hian duh ang taka naute siam chhuah, ‘designer babies’ an tih mai siamna kawngah kawng a sial dawn niin an ngai a ni.
Hetiang ‘designer babies’ an tihte hi hrisel tha bik turte, an mit rawng (eye colour) duh anga siam leh an finna leh hriat theihna sang bik turte..kawng hrang hranga ‘naute tha bik’ atanga an lo sei len chhoh theihna te a huam vek a ni.
Professor Ronald Green, lehkhabu pakha ‘Babies by design: The Ethics of Genetic Choice” tih ziaktu pawhin, “He thil hi a lo thleng ngei ang tih ka chiang e” tia CNN a hrilhin:
“He kum zabi tawpah hi chuan, he DNA khawih danglamna leh zir chianna atang hian hmanraw thar kan nei ang a, mite chuan he thiamna kal tlang hian an duh ang takin an fate an tidanglam thei ang tih ka sawi ngam a ni” a ti a ni.
He thil hi khawvela genetically modified human embryo siam chhuah hmasa ber a ni dawn lo va, nikum (2015) April thla khan China rama Scientist-te chuan thisen lam dik lohna thlen theitu chifang (gene) chu mihring embryo ah hian an lo tidanglam tawh a ni.
U.S. National Institutes of Health erawh chuan thu chhuah siamin, he mihring embryo DNA khawih danglamna turah hian sum an thawh dawn loh thu an puang chhuak a ni.
“Mihring embryo in germ line pangngai a neih sa (an nu leh pate atanga gene/DNA an chhawm thlak pangngai) khawih danglam chungchangah hian ngaih dan hrang hrang leh thlir dan hrang hrang a tam hle a, kum eng emaw zat thlirna hrang hrang atanga mite lo inhnial tawhna a ni a. A pumpui huapa thlirnaah chuan, he mihring nihna pangngai khawih danglamna hi chu tih loh tawp tur a ni”
tiin Francis Collins, US National Institutes of Health Director chuan a sawi a ni.
Kim changa chhiar duh tan hemi link ah hian a en theih e:
http://edition.cnn.com/…/genetically-modified-em…/index.html
Hemi link ah ve thung hian, sawiseltute chhan letna tura an tih point 10 te ziah lan a ni ve thung:
http://www.sciencealert.com/10-things-you-need-to-know-abou…
3. POST-TU THU KHAW CHANG:
He thil hi a serious khawp mai. Human embryo te DNA an khawih danglam thiam chuan, kawng engkima mihring chungchuang bik (super humans) siam chhuahna tura kawng inhawnna a ni dawn a.
Chutiang mihring chungchuang bik (super humans) chu lo chhuak ta teuh sela, khawvel chu ‘A thei thei te din khawchhuahna ram’ (survival of the fittest) a nih avangin, tun lai khawvel luahtu, hnam mawl leh changkang lo deuhte hi chuan nuaibo hmak mai an hmabak dawn khawp mai.
Chutianga mahni hnam leh thisen inthlah chhawng zelte chawikan tumna avang chuan khawvel history ah indona vawi duai lo a thleng tawh tih pawh kan hriat hnu vek a ni bawk.
Mihring fing leh duhthusama tha (super human) te an lo chhuah chuan, mihring inthlah chhawn pangngaia ‘tha ve lem lote’ tan chuan khawvelah hmun a awm ve thei tawh dawn lo a nih chu.
Khingho aim aha kan ngaihtuah chian ngai chu, Pathian kut chhuak pangngai tha tih tawk lohna leh khawih danglam tumna a ni dawn a, chu chu kan chhui let char char chuan Genesis bu-a ‘rul thlahte’ leh ‘hmeichhe thlahte’ indo tur thu Pathianin a puan tak rup nachhan, Pathian kut chhuak diktak mihringte DNA khawih chingpenna, Bible in a ziah lan mai phena ‘DNA khawih chingpenna’ kha a rawn hril thar leh ta a ni tih kan hrethiam tur a ni.
Chu mai ni lovin, Bible hrilhlawkna ringtute tan chuan, Nova hun laia tui a let hial nachhan, Pathian pawisawina rapthlak tak ang kha a thleng nawn leh dawn chiah dawn tih hriathiam tur a ni e.
Mihring fapa lo kal lehna hun chu, “Nova hun laia thil awmzia ang” kha a nih tur thu Yahshua Messiah khan min lo warning lawk vek tawh bawk.
Nova hunlaia thil awmzia, tui let chhan dik tak I hriat duh a, Mihring fapa lo kal lehna tur nen hrilhlawkna lama a inzawm dikna I hriat chian duh chuan hemi link-ah hian Mizo tawng ngeia chhiar tur a awm e:
www.facebook.com/notes/god-science-in-depth-analysis-/nova-hun-laia-thil-awmzia-fallen-angels-ancient-techology-vs-modern-advanced-tec/673998439342958
Pathian ni ve ta la, i thil siam, tha i tih em emte kha i thil siam mai mai ten 'a tha lo ve' tiin a aia tha zawk siam tumin khawih danglam ta sela, Pathian aia 'thil tithei zawk' leh Pathian aia 'thiam zawk nih tumna case' i awrhtir ang em?##
0 comments:
Post a Comment