INRI leh KALVARI

by Isaac Rf Hmar on Monday, April 15, 2013 at 9:42pm

Iesous Nazareth Rex Indaeorum

“Chutichuan Isua chu an hruai ta a.Tin,ani chuan mahni tana Kraws puin 'Luruh Hmun', an tih, Hebrai \awnga "Golgotha" an tih chu, chumi hmun thleng chuan a va chhuak a;chutah chuan Kraws ah an khengbet a, midang pahnih nen, a sir tuakah pakhat ve vein, a laiah Isua. Tin,Pilata'n lehkha a ziak a, Kraws ler lamah a bel a. "Nazareth Isua Judate Lal", tiin ziak a ni. Tin,chu Lehkha chu Judate a \hen tam takin an chhiar a; Isua kraws a an khenbehna hmun chu Khawpui kiang a ni a; Hebrai \awng te,Rom \awng te, Greek \awng tein an ziak a ni si a. Chutichuan Judate puithiam lalte chuan Pilata hnenah, “‘Judate Lal’ tiin ziak suh; ‘Judate Lal ka ni’ tiin ziak rawh,” an ti a. Pilata'n, “ka ziak kha ka ziak zo tawh," a ti a,a chhang a.” (Johana.19:16b-21;)

Isua Krawsa an khenbeh khan a chunga an tar kan hriat lar em em chu "INRI" tih kha a ni a. He thu hi Greek \awnga ziak lam tawi a ni a, a chungah khian a pum chu kan tarlang tawh a ni. Latin (Rom ho \awng) leh Hebrai \awng hi a lar lemlo zawk niin alang. Isua hming pawh hi hetiang hi a ni e.Greek-Iesous/Yeasous-Latin-Isus-Hebrai-Yahshua/Yeshua(Yehushua)-English-Jesus. "Nazareth Isua Judate Lal" tihna a nih tak chu!!
‘Tichuan, Kalvari tlangah an khengbet a’  tih hi kan sawi dan \hin a ni a; mahse, Kalvari tlang tih hi kan Mizo Bible-ah hian a awm leh ta mang hauh si lo a, Mizote lung kuai em emtu chu he tlang hi a ni leh lawi si a, hrelote tan buaina tham a tlin avangin sawi dawn ang le!

Chanchin\ha Luka ziak bung 23:33- na laia, "Luruh Hmun" tih kha Latin Vulgate ah chuan, "Calvariee" tiha dah ani a, English Bible \henkhat ah pawh "Calvary"(KJV) tiha dah a lo ni ta a, keini Mizo Bible ah hi chuan kan hmang ve lemlo niin alang a. Luruh Hmun tih hmun danga a lanna ah pawh hian Hebrai \awnga "Gol'gotha(Gûlgaltâ/g l g th)" tih hi kan hmang lar ve leh thung zawk si niin alang ta a ni. Greek \awng chuan "Kraníou Tópos" tih a ni leh daih bawk. Tichuan, Latin \awnga 'Calvariee" tih kha kan lo hmang ve a, a awmzia chu ang khat vek a ni a, "LURUH HMUN" tihna vek a ni. Chu Kalvari tlang chu Khawpui kiang hnaia awm a ni tih kan hria a, chu Khawpui chu Jerusalem ani.

Kan Lal Isua an khenbehna hmun kan sawina vek a ni a, kan sawina \awng a inang ta lo mai \hin tihna a nih chu; tichuan, keini Mizote lung kuai em emtu, kan hla thuah pawh kan hmaih phal zen zen loh "Kalvari Tlang" chu a awmzia leh a nihna kan hre chiang thei tawh bawk awm e!

Source: Facebook Group: PATHIAN THU BIHCHIANNA

Posted in: