Khawvel a ‘Paranormal events’ an tih zinga thil thleng lar leh mak ber mai pawl, a chhan leh vang tun tlaenga enge a nih chiaqh an la hriat theih loh chu Chase Familly ho thlanin chhunga thilmak tleng hi a ni tlat mai le….
1807 khan Thomas Chase chuan thlan in ruak pakhat South-West Barbados ami chu an chhungkaw ho inphum nan a lei a. Chumi kum chuan an chhungkaw zing ami Mrs Goddard chu an phum nghal a. He thlan hi in ang deuh a sak, zau angreng tak, thir kawngkhar, kalh theih phui tha tak nei a ni. 1808 ah amah Chase-a fanu Marry Anna -nausen thi chu an phum leh a, chumi hnu July 1812 ah a fanu dang Dorcas-i chu an phum ve leh bawk a. Chumi kum vek chuan Chase-a chu a thi ve ta a. Chase-a kuang dah tura chu thlan in an han hawn leh chuan Anna kuang chu bang kil khat ah chuan a lo in tung a, kuang dang pawh chu a lo awm darh nuaih mai a; mak an ti hle mai a.
Kuang te chu an dah fel tha a, thlan in chu an kalh tha leh thlap a. 1816 a an chhungkaw zinga mi nausen pakhat thi an han dah leh dawn a, thlan in an han hawn leh chuan kuang awmsa te chu a lo darh leh ta nuaih mai. A chhuat a vaivut vel ah lah chuan hnuhma engmah a lang der bawk si lo. Kuang te chu an rem tha leh thlap a, a kawngka pawh chu an seal thlap a mahse chumi hnu lawk kar 7 hnu ah chuan an chhungkaw zinga mi thi an awm leh ta. Hemi tum hi chuan sawi neuh neuh a awm avangin thlan in an hawn dawn chuan mipui an pung khawm nasa tawh mai. Thlanin chu an han hawng leh ta a, a kawngkhar an seal te pawh chu a ngai ngai in ala awm thlap a, mahse a chhunga kuang ho chu a lo darh leh ta nuaih mai.
An kuang hman ho hi a rim chhuah theihloh na atana suan atanga siam rit tak tak an ni hlawm a. A lan dan ber ah chuan hneh tak leh zo taka theh darh an ang ber. Kuang thenkhat phei chu a khem hial a ni. Kuang te chu an rem tha leh thlap a, a chhuat ah chuan hnuhma a lang em tih hriat nan vut te an phul a, kawngkhar pawh chu an seal leh ta thlap a. Tichuan, 1819 khan an chhungkaw zing ami thi an awm leh ta. Hemi tum hi chuan Lord Combermere, Barbados a an Governor meuh pawh en turin a rawn kal ve ta. Mipui pawh an tam kher mai; Thlanin chu an han hawng leh ta a, an lo rin lawk ang ngei in kuang te chu a lo darh leh ta nuaih mai a, a mak tih bak sawi tur an hre lo.
Kuang te chu an rem tha a, kawngka pawh chu an seal tha leh thlap a. Tichuan, April ni 18, 1820 chuan thlanin chhungah chuan thil ri rum rum an hre ta. Thlanin chu an han hawng leh a, kuang te chu nasa mangkheng hian a lo darh leh ta nuaih mai le. Tichuan, Chase family chuan thlanin dang an lei ta ringawt a, chutah chuan kuang ho chu an dah sawn ta vek a. Chutatang chuan thawm vel pawh chu a reh ta a ni.
He thil thleng hi mithiam te pawh an rin dan a inang lo nuaih mai. thenkhat chuan kuang te chu suan atanga siam annih avangin engtin emaw tak lei magnetic field nen a in hip kual thei anih ring te an awm a; tin, lirnghing in a sawi danglam aniang te an ti a, mahse lir a nghin thawm an hre bawk si lo. Thlarau sual hnathawh anih ring an tam ber a, rinthu mai bak chu tun thleng hian Chase family thlanin a thil thleng hi tuman han sawifiah ngaihna an hre talo a ni.
*Source: Alamanac Of The Uncanny/ The Unexplained/ Atlas Of The Supernaturals
X- CHASE FAMILY THLAN
Posted via Jedidvena
0 comments:
Post a Comment