by: Charlie Tlau on Monday,
November 10, 2014 at 12:57pm
Music hi chu ka tui ve ang reng a, ka lehkha zir lai pawhin music background a rawn ri riai riai hi ka nei \hin, tlai lamah hi chuan country music han ngaihthlak a, Kenny Rogers, Dolly Parton, Lee Ann Womack, Shania Twain, Celine Dion, Trisha Yearwood..etc te ho han ngaihthlak te hi ka duh zawng a ni. Chham zuah zuah ho hi ka ngaithla ngai lo va. Sentimental ho hi ka duh deuh vek a, slow rock ho nen. Kan chawhmeh duh zawng a in ang vek lo angin kan music taste pawh a in ang lo hlawm nuk ang.
A engpawh nise, music mihring tana a \angkai dan kan sawi ang. Mithiam te sawi dan phei chuan kan pangpar khawi te pawh hian an hrethiam a,bawng pawh hnute an sawr hian kan hostel ah khan chuan a sawrtu pa khan bawnghnute an nei tam a ti tlat bawk. Hmanlai Greece ah chuan stress tih tlem nan an hmang thin a, mut siai siai nan te. Native Americans leh Africans te chuan zai leh chant (Solfa-a ‘do’ ringawtah te hian thu tlar hnih lai chham zâwl âwt ila, chu chu chant a ni) te healing ritual ah an hmang bawk a ni.
1. VERBAL LEH VISUAL SKILLS TE TAN: Music Education ah chuan naupang thluak hi a chawk phur a,chu chuan verbal intelligence ah a \anpui thin ani. Naupang, music an têttê a\ang ngaithla emaw an chhungten music ngaithla nasa te chuan an reasonin leh an grasping pawh a chak bik tih research neih ah chuan a nemnghet tawh a ni.
2. LUNGPHU, PULSE RATE LEH BP TE A PANGNGAI TIR |HIN: Ka philsopher ngaihsan deuh Nietzsche chuan ‘We listen to music with our muscles.’ alo ti a,music hian kan lung (heart) atih chak mai bak ah lung natna neite tan a \ha em em ani. Eng genre pawh ni rawh se, mahni duhzawng ngaihthlak hian kan thluaka endorphins chu rawn tichhuakin vascular health (thisen kawng te) ah a \anpui \hin. Massachusetts General Hospital ah hei hi neih ani a, music therephy an neihna ah chuan vascular leh cardiovascular response a ti \ha hle ani.
3. ZIRLAI TE AN MUT BAWRH BAWRH TIR THEI: Upa emaw, naupangpawh ni rawh se ,mut theih lohna hi a chang chuan kan nei thin a,mahse music cool deuh emaw soft music ho ngaihthlak hian mutna ah nasa tak in min \anpui ani. US National Library of Medicine National Institutes of Health in research an neihna ah chuan mahni music duh zawng, mut dawna ngaihtlak hian stress (zdpD;jcif;)leh anxiety (pdk;7drylyefjcif;f)a ti bo an ti a ni. Hostel kan awm lai pawh khan walk-man ah khan ka ngaithla nasa \hin khawp mai—lehkha zir pahin.
4. MIHRING A TIHLIM |HIN: Ngaihzawng te nen in tih thiam loh emaw chhungten min hauh hian music hi ring leng lawng hian han ngaithla ila,kan dam siai siai ve thin ani. A chhan chu music hian kan emotional state hi a khawih thin vang in leh thluak atangin dopamine a rawn chhuak a,saptawng taka 'a feel good chemical' an tih chu. In tawng ve tawh em ka hre lova,mak deuh chu kei ngei pawh in Young Mendel ho in Halleluia Chorus an sak ka ngaihthlak hmasak ber chuan ka mur uai uai ani. A awmzia chu dopamine hi a rawn chhuak teuh tihna ani.
5. KAN RALVENGTU SYSTEM A TI CHAK THIN: Music ngaihtlak hian kan immune system te alo ti chak a,tin stresshormone an tih mai cortisol chu ti hniam in music beat rang deuh lam ngaithla nasa hi an hriselna a tha an ti bawk ani. Music tin te hian mimal ah effect an neih dan ain ang lova a chhan chu kan music duh in an loh vang ani. Kan rilru ti zang (lighten) tu hian damna min pe mai ani.
6. THLUAK A TIHRIAM: Drexel University a researcher te chuan cancer vei zing ah study an nei a,music ngaithla ho kha damdawi an pek te pawh an response chak zawk thu leh, music hian kan thluakfunction pakhat cognitive ah nasa tak in a tanpui vang in thluak chu a ti hriam in thluak lo upa tur a veng thin ani. An sawi zelna ah chuan brain-damage emaw dementia an tih pawh hi music theraphy hmanga tih dam theih ani tih an sawi tlat mai.
Chuvang in music hi chu khap lo hram rawh se
(Source han dah em em tur ka hre lo a,a chhan chu blog 3 vel atanga ka chhiar ka rawn dilute anih vang in)
0 comments:
Post a Comment