CHETCHHIATNA

Written by Laltha Kima

STATUS MIN UPDATE SAK
Ofisah online chungin ka khawl ka kalsan lawk a, ka bula \huin Status \ha deuh mai min lo update sak a, tihian, "Vawiin chu kan *** nileng mai mai teh ang," tih hi a nia. Ka let leh chu, an lo like vei sap sap a, “Hei, John-a, eng tihna nge?” ka tia, ani lah chuan, “I zai nilen tur thu ka lo update sak che a nih kha,” a ti mai a. “E \hat chu, pawi loh chu te,” ka tia. A hnuah ka \hiante hovin, “Hei, i va khawlo sawt em em ve a. I status te chu a va nikhua lo sawt em em ve?” min rawn tia, min hau hlawm a. “ ‘nge ka nikhua lohna vak lem?” ka ti mai a, anni ho chuan, “Nge nileng lenga hur kual mai mai i tum?” min rawn ti ta mai. Ka sa phat. Ka ding hluai, “John-a! hei, ka zai nileng dawn tihnaah miin an ngaih loh tawp hi!” ka tia. Thawhpuite, room-a ka awmpui ho chuan min nuih ta dar dar mai. Thinrim viau e ti lo chuan engmah sawi lem lovin ka \hu leh mai a. Ka delete nghal hmak! he he!

THLENGTHLAWK THEI (LO)
|umkhat chu ka naute mipa pahnih hi pawnah ka ko chul a, Kawta chaw ei thleng, Alluminium chi, tlang kum deuh lo awm chu na deuha rah thlawh a, an hmuh laia intihtheih ka tum a. “Eng nge?” tiin an rawn tlan chhuak, “Hei hi sang tawkah ka rap thlawk thei,” ka tia, ngaisang tawkin, “Han ti teh,” tiin en chak lutukin min tur. Tichuan, an ngaihsan lutuk tura sang tawka rah thlawh tum chuan ka han rap vak mai, thlawh chu khawi lamah, na tawkin ka ngal a rawn khawng chho! A na lutuk chu ka nau te bulah chuan a changtupa nih tum em em chu ka \ap ta pur mai, anni lahin min nuih nasa bawk si, na ti lutuk \ap pur bawk, min nuih vanga thinrim bawk, inchhungah ka tau lut. Khata \ang chiah khan ka thil tum, thleng rah thlawh kha a theih miah loh tih ka hriat phah ta alawm.

HNUTE HMUR BO
Kei hi che chhe lalpa ka ni ringawt, \umkhat pawh kan naupan lai thovin, kawr ha lovin ball lum ka um a, ka tlan chak lutuk ka brake thei tawh si lo, kan huana Zawng\ah kung, a \ang an chhawkna zumah tak mai ka hnute dinglam hi ka zuk tauh a, ka en a, thi pawh a thi mai lo, a var hlawk a, mahse ka hnute hmur chu ka lo sawh thla daih chu niin! A na teh a sin aw! ‘se, tunah chuan a \o leh tawh a nia, he he!

****
Nikhat hnathawk turin ka chhuak a, ka tlai deuh toh a vangin hmanhmoh tawkin ka kal phe hlawk hlawk a; ni a sa phian lehnghal! Nihliap ka la khum zui. Ka hnathawhna hi a hlat em avangin \an hma darkar hnihah in ka chhuahsan tlangpui a, direct Bus awm lo nen, bus pahnih ka man a ngai a nih chu; chuan, rilruah bus nan hman loh hlau reng rengin ngaituahna a ding khawp mai. Ka harh thut a, ka ke ah thil engemaw awm ang hian ka hria a. Ka’n en nak chuan stray dog mit sen rem rum hian ka ke ah a lo sehin a lo la seh run mai lehngal! Thlah lah chu a tum hmel loh ropui! Ka hrilhhai lutuk chuan ka en ve ran mai bok a. Kawng kal ve dangte chuan min lo au in, “Nihliap khan vaw rawh,” an lo ti a. Ka vaw ta a. Mi an lo tlan khawm tak tak a. Ka zak lutuk a, ka tlan nal nal. Chuan AIIMS ah emergency ah kal in ka in chiu tir a. Hna ah lah ka la tlai zui. Ui hian voi hnih min seh toh. Vaccine man lah hi to pherh zek.." 
-Ma-i Vanphawng

VAWIH!!!!
"Class 5 ka nih lai a ni a, nikhat chu homework kan tih lo avangin kan zirtirtunu chuan Black Board bulah hian ka \hian 3 te nen min \hing\hittir \hap mai a. Darkar 1 vel hnuah chuan ka ke kha a kham tawh khawp mai a, \hing\hi chunga remchang taka \hut hahdam dan ka hmuchhuak ta alawm le! Ka ke chu ka dah chip a, a chungah chuan ka \hu ta a, ka ke erawh chu dah chip tlat dawn chuan tlem a \an deuh a ngai a, a hahdam tho mai. Chutah le, ka vawih a chhuak ta tlat mai le, ka theihtawpin ka ip a, a rawn nawr na em em mai bawk si a. Ka ipna lamah chuan ka ke ka dah chip chu ka lo theihnghilh pek chu niin, vawilehkhatah ka mawng chu a tikau ta thut mai a, class room reh \hapah chuan. .PUUUUUUUT. . .a rawn ti ta a nih chu! An vaiin an nui ta vek mai a, kan miss pawh chu a insum zo tawh bik lo.Ka zak ve hle mai, theihnghilh chu harsa \alh \alh tak a ni.hahaha" -Jeitei Ralte.
"98 vel kha ni ta in ka hria. Hospital ah k awm a. Kan room-a awm ho kha kan dam ang reng hlawm tawh viau a; a na ber pawh rilphir paih \huina la phelh loh kha a nia; amah tak hi chu nikum hmasa lawk khan a boral tawh nghe nghe— a natna dang vang in. Mut reng ngai kha kan ning hlawm em em mai a. Kan ward ho chu ward dangah kan leng kual reng mai a, Doctor-in ward a fan dawn hian nurse ho hian min ko a, mu turin min ti \hin a, chu chu hriain damlo ho chuan kan len chhuah hian, “Ward an round dawn,” tiin intihder nan tak kan hmang \hin a. Zan khat chu ward danga kan leng hlanin admit thar hi a lo awm a, kan leng haw chu kan zung sap sap a, kan \hian nu chu a lo va lut hmasa a, kawngkhar phenah chuan in la fuh fe hian min barakhaih tumin a lo ding awt a. Kan luh hma chuan damlo admit thar en tur in Doctor chu kan ward ah chuan a lut a, kan \hiannu chuan “BARAKHAIH!” tih leh a nghawnga lo uai/kuah chu a lo rual a nih kha! Doctor ngaihna hre lo lutuk hawi hai hmel leh kan \hian nu zak lutuk te, Nurse ho mak ti hmel leh damlo ho nuih za lutuk kha aw!" 
-Eni Ralte

"Ka nulat lai tun a kan pa ni mek nen a kan in ngaihzawng lai in a thian pa te in ah chaw kan ei dawn a, an bathroom ah in thiar tur in ka lut a chhuat a lo nal si, tukhum lei vaw chawrh in kan thal teh reng anih kha chutah indan ka tum na lamah bucket a tui an dah khah sa kha kan kuai baw vek leh nghal a. Huh hnuangin ka chhuak ka zak ltk in inthen ang ka haw dawn te kan ti vel tawp, thleng nawn tawh lo se ka ti raps mai, ka ngaihtuah let pawhin ka la zak." 
-Muansangi Nu Chawngthu

"Infak vangte, thiam intih vang lam niloin pathianin awtha tak ti mai ang min pea,ka zai ve nasa hle mai a, vawi khat chu kan camping na  khawpakhatah hian sermon hmain kazaia,(aw lawk camp chhuahzan)mi antam khawp mai, campers leh mipui nen uluk mangkhengin ka zai lamtualah,athunawn tawp ber tlar tawp ber kasa ka tang ve si,tial mangkheng ring tawkin kan khuang hlak, annui thu, ka sa zo zak deuh zak lo ang hmakin kun deuh lap hian ka thutna lam ka pan,ka lo kun rei deuh aniang, mipuianla ngawi thap si,thutthlengah richawrh in ka intauh leh chu hnar aw lian lian..ka zak lutuk... "
-Remruata Rema

"Naute thla 8 k pai tawh a sertawk kung ah ka lawn a ka tla.  Kapa'n lawn a phal tawh loa lawn ru k ni sia,  kan zep ta. Mahse tuiput an tih ag hian ka awm a kan hrethiam silo zun ka cheh emaw tiin kan nui tlaivar zak ka nu in ahriat in hmanhmawh lutuk in hospital min kaltir. An ni lah hmanhmawh bawk. Kapa frank top. 'Naute hi a thih chuan k vaw khawp ang che i aaa tawp thei dawn lo,' min ti"
-Nemi Ralte

"Ka tet deuh lai tho in...kan vengah camping hi awm a...mi zawng zawng an lam vek zel a.....ka thiante zawng zawng pawh ...keimahte hi ka chuang thin a.....tum khat chu lam ve ngei ka tum ta a......hla an la chiah ka ding ngal aa....ka ban ka phar chiah a....khuang a tawp daih mai a...ui3 ka zak lutuk kha aw...!!!!!!!!!!!! theihnghilh theih pawh a nilo......(hla anla sang lutuk a..a bul a trang a lak le an tum alo nia)"
-Enpee J Colney

"Hmanah Class 5 kan nih lai hian kan class mate1 hian" LOVE LETTER" ka dawng hi a tia... Ka best fren ka cousin ni bawk nen khan kan la mawl ve ropui sia chhiar ve kan chak a phal silo.... Lak sak kan tum a...a phal lo a..kan um vak vak a.. Toilet(leihlaih khuar chi an laih thar..mi tlem te chiah in anla hmang a) ah a lut a min chhiar tir velo chuan i chaklo ang kan tia...min hlau a niang kan kawlh ve sia....tap chungin, 'Ek in khur ah ka thlak,' a tia alo chhuak hnu hnu a....EK IN KHUR A MI CHU hmawlh kan la a kan hai chhuak a ui kan hah zia kha aw!!!!!!! chhiar ngei ngei kan duh si. Kan la chhuak....Hmawlh chuan kan kai darh a kan ten bawk si....a " LOVE LETTER" chu..... Ui  ui ui alo blank vek..... Ka cousin nen chuan kan in en a kan thin rim bawk si..... Van chhet chhiat theih tak.....kan beih hah ve eh reng nen...hahaaaa"
-Enpee J Colney

"Ka chetchhiatna ve aw. . . Raj Bhavan bul, BSNL Office lamah sawn Tuikhuahtlang atanga ka chhuk thla chu kawng ka kan dawn a. Traffic tlemin alo jam ve deuh bawk a, fimkhur taka kan tumin Raj Bhavan lam ka hawi hmasa phawt, Bus hnunga motor dang ding phei pût bak ka hmu lo. Sikulpuikawn lam kawng ka hawi leh a, car 1 tuikhuahtlang lama rawn kual tum hian hma hruaiin an ding ngir leh khup bawk a. Chutah le, kei hmanhmawh bawk si chuan motor inpass tum chhunga rang taka kawng kan tumin ka tlan ta a. . .a ri ta bur mai le, ka inenchianga, engmah na leh hliam ka nei lo, ka hmalam kan hawi chu BIKE KA SUTHLU chu lo niin. . .huiham. . .ka van zak tak em. Min rawn hmupha ho zawng zawng bus leh car atangte chuan nuih insum deuh hlek hian 'ana em?' an rawn ti, bike ka sut thluk pawh chu a tluk chawrh avanga a banna ti tuai vut vut  chungin hmeichhe awmnem zawk na na na  chu 'Ana em, khawilai nge na?' te ala rawn ti tak deuh deuh a. . .ka va zak tak..." 
-Jeitei Ralte

"Kan sawi ve tengs...Pawl 11 kan nih lai khan kan mawza chu a pawh tlawn chi kha ania. Zing khat ka school kal tur insiam chu, kan naute hian min zui min zui mai a,  mase,  engmh ngaihtuah lo chuan ka kal ve mai . Ka kalkongah chuan mi hian min nuih zel hian ka hriaa, kan schoola lut ve ka tawh te pawh chuan min nuih zela. Ka in check thina diklo ka hre bawk silo. Chuan, kan school thlen tep chuan ka chawn chu ka zuk khawiha, kn naute khan lighter ka mawza-ah a lo dah chu lo niin. Class ah ka tlan chho nghala, ka thiante nen pum na vek in kn nui mole..." 
-Teitei

"Kan sawi ve nge aw... Schoolah ka thawk ve a, nikhat chu mood off tawkin school ka kal a mood off naklai in chawhma chhung class lak ngai zui nen second period thleng kha chu ka la insum ve hram hram a third period a tang chuan naupang in hlei leh beng chheng lutuk chuan min ti thinrim zual ta! Ka class ah hian naupang 68 lai an awm a, in control reng sen a ni ta lo.....tiang sei deuh chu vuak rik thuai pah, "In bengchheng leh a nih chuan ka hremna viau ang che u, in class work ti vek rawh u,' ka ti vei tan tan a, naupang ho hlau chu an ngawi thap. Ka vei kual thuak thuak a chu tah teacher chair, black board hnuai chiah ah chuan k thu, ka thil check lai chhunzawm tum a ka kun chiah chu a ri bur....Black board chuan ka lu ah min rawn tlak bur ka thinrim bawk si, naupang nuihza in sum nui ngam tawh silo hmel chuh.... Class a tangin ka chhuak nghal nal nal....." 
-Eni Ralte

"Missionary thlahna programme ah kan kohhran zaipawlte zai tura sawm kan ni ve a, zaipawl dangte pawh an tel ve nual a. Inkhawm pawh kan thahnem ve hle a, Zaipawl zai turte kha mipui hma lamah dinchhuah a ngai a. Kan zaipawl pawh chu min sawm takah chuan zai tur chuan mipui hmalam chu kan pan ta. Ka pheikhawk bun kha Saruh pheikhawk ka ti mai, a khawng a, a hnuai a nal duh em em mai a, ka dinna tur hmun ka thlen hma deuh hret chuan ka tawlh zawt ta mai a, ka hnung lama kal thin ten min lo dawm ding a, mipui an lo nui hak hman. Ka dinna hmun chu zak deuh chung chuan ka pan a, mipui lam kan hawi chu min lo nuih tet tet hlawm a, hmai a uang lo ngei mai, kan zai te pawh kha a tawp thlengin ka tihsual phah...zahthlak rem rem tak a ni....hihi"  -Lal Emy

(Chetchhiatna Huanga thawn duh tan Facebook CHETCHHIATNA ah a thawn theih reng e)

Posted in: