1966 kuma film siam hlawhtling tak The Good, The Bad And The Ugly chuan kum 50 a lo tling ta der mai a, kum 50 chhunga he film-in cinema leh popular culture-a nghawng a neih ropuizia hi sawiin a siak lo.
A changtute pathum thlanmuala an han inhmachhawn lai “ trio’ scene ber mai kha cinema history-a editing fuh ber, thumak an sawi nin theih loh chu a ni.
Kha film ropui, Italian epic Spaghetti Western film kha Sergio Leone direct a ni a, a changtute chu Clint Eastwood, Lee Van Cleef, leh Eli Wallach te an niin a thawnthu hi American Civil War , 1862 kuma an rangkachak phum ruk zawnchhuah runpui New Mexico Campaign an neih lai behchhana siam a ni a. Dollars Trilogy an tih A Fistful of Dollars leh For a Few Dollars More te nena thul khata an khung a ni a. Music kha Ennio Morricone kutchhuak a ni. An budget kha $1.2 million a ni a, a hit cher cher bawk a, $25.1 million lai an la lut a ni. Western film gendre-ah chuan he films hi the greatest films of all time zinga a langsar tak pakhat a la ni ta reng a ni.
Engkim tan hian hun ruat a awm a, van hnuaia thiltih zawng zawng tan hun remchang a awm tih ziak ang khan a hun laia mawi tak leh tha tak kha hunin a liampui tawh chuan a lo chuai mai thin a, khawvel nihphung ve reng a ni a, chuvangin Mizo hranghlui hlaphuahthiam thenkhatte hla maurua anga tuai thartir tum leh chiam chiam pawh hi ṭhahnemngaihna uchuak chi khat chu a nihna lai a awm ve thei a ni.
https://www.youtube.com/watch?v=5PgAKzmWmuk
https://m.facebook.com/groups/1547111345531105?view=permalink&id=1677636215811950
0 comments:
Post a Comment