“Nupui atan chuan hmeichhia ngei neih tur!” tia aia u zawk ten min fiam \hin lai kha rei pawh a la ni lo. Thil nuihzatthlak nuiha kan nuihpui bawk bawk kha tunah chuan a mak ta lo. Chu lo pawh,
“Keini’n Saikal chuan tur kan neih ve meuh chuan bike chuan an lo intihhmuh tawh anga, bike kan chuan ve theih hunah Car an intihhmuh leh anga, Car kan chuan ve theih meuh chuan kea kal an uar leh tawh zawk ang,” an tih te pawh kha kan thleng der tawh a ni lo em ni?
Tuingo hovin, “Kum 2000 hnu lamah eng emaw tak an thleng dawn an ti an ti a. Hei, thi ngai lo pui pui pawh an thi reng alawm,” an tih te hian ngaihtuah a tithui viau. Thi ngai lo pui pui kan la tam bawk si a.
Chuvangin, keini chu tunlai lutuk si lo, hmanlai bawk si lo, nimin thil hre reng chunga nimina cheng chuang lo, vawiina keini hi naktuka midang tan kan nih inhre chungin thil tihah emaw, thu sawi ah emaw, eng kawng ah pawh, eng thil ah pawh, eng zawnah pawh, eng lamah pawh mel khat kal tura phut luih kan nih chuan mel hnih kal inhuama, kan puan la tu hnena kan kawr pek pawh inphal chungin kan khualzinna ramah hian mel lung pawimawh i phun teh ang u khai.
Tun hi hun lawmawm chu a ni si a. Chhiar Nuam u!
0 comments:
Post a Comment