by: Pantea Khupno
Kum a lo thar hian kum hluia chin dan \hin, \halo te thlahin, kum thar a\anga ti tawh lo tur leh, kum thara mahni duh zawng leh \ha tihte ti tawh turin mi tam takin ‘Kum thar thutiam’ an nei \hin.
Meizial zu leh zu in \hin, nghei duh te’n kum thara ti tawh lo turin an intiam a. Hna thawktu pawhin kum hluia a thawk ang ni lo va, kum thara ruahmanna \ha tak nena hma la turin a intiam a. Zirlai te pawn rilru puilting taka a zirnaah chauh rilru sawr bing tawh turin a intiam a. Inkhawm ngailo leh inkhawm khat te’n rilru siam tharin Inkhawm zingturin an intiam a. Bible chhiar ngai lote pawhin chhiar uar kum ni turin an intiam bawk a. Mi \henkhat, Kum hlui aia mi dang tana malsawmna ni leh zual turin an intiam bawk. Kum tharah nun thar nen tia kan thutiam hi a inanglo hlawm hle awm e.
Kum thar 2016 kan chuang kai a, Kumthar thutiam nei pawh kan awm nualin a rinawm. He thutiam neitute hianThutlukna chhuanawm tak an siam a, thil lawmawm tak a ni. He thutiam tihlawhtling turin hma pawh an la ngei ang tih a rinawm.Kum thar thutiam vanga nun leh chin dan thlak ta pawh tam tak sawi tur an awm a ni.
Mi \henkhat erawh chu, ni a liam a, hun a her tam meuh chuan kum thara kan thutiam neihte kha kan theihnghilh zo ta nge ni dawn ni, kan nun hluiah bawk kan kir leh \hin. Kan hriat reng tur chu, Kan thil tih \hin dan leh kan châkte thlah hi, natna nilovah chuan tawrh har tak a ni a, kan theihna hian tlin chin tawk a nei awlsam hle \hin. Kan mimal tumna hi tihleh châkna hian a hneh awl em em a ni. Hun a liam a, kan kumtir tumna ang reng khan boruak a awm lova, awm hmun kan sawn a, kan \henrual kawmna, kan hna thawhna leh zin leh veivahna ah te kan tum thlah mai hi a awl em em a ni.
He kan thutiam tipuitling tur hian englai pawha min puih reng duhtu Pathian kan nei a, Amah bel ila, ama kuta innghah mai hi kan puitlinna tur a ni tih hriain, Amah kan biakin nghehna dil \hin ila, Pathiana kan innghah tlat chuan he kan “Kum thar thutiam” \heuh hi tih theih loh leh puitlin theih loh a awm lo vang tih ihre thar ang u!!
0 comments:
Post a Comment