Zanin a round of 16 game hmasa ber khel tawh tur a nih laiin, Chelsea midfielder Eden Hazard chuan Chelsea hian Paris Saint Germain an hlauh(fear) thu a sawi chhuak.
" Paris Saint Germain hi team tha an ni tih hi kan hre kar tur a ni. An game zawng zawng an la chak vek a, position zawng zawng ah player tha an nei vek bawk a. Tunah hian Barcelona leh Real Madrid te elrual pha an ni." tiin Hazard hian PSG an hlauh tur thu a sawi.
Harzard hian thu dang belhin "Mahse min thlauthla ngawt suh u. A mimal a player tha zet zet leh talented tak tak kan nei ve nual a. Chuvangin chak lo turah min dah nghal suh ang che u. 'PSG hi chak zawka rin an ni(favourite) ti zawk rawh u" a ti.
PSG hian nikum khan Chelsea hi an lo knockout tawh a, hei hi Hazard hian an theihnghilh loh thu a sawi bawk.
Zanina(zanlai) an tum tur PSG key player-a a ngaih chu Marco Veratti a nih thu sawiin, Zlatan Ibrahimovic leh Angel DI Maria te tualchaina tur(forward position) pawh an hlauhawm thu a sawi bawk.
"Veratti hi an mi chhuan ber tur a ni a. Ani hi an khawlpui ber a ni. Team te an khelh chhiat lai pawha, chawikanga hun tha rawn herpui zel tu a ni bawk.
Ka hmuhdan chuan Veratti hi bench atangin a tan hmel a, hei hi ka team te tan chuan thu lawmawm a ni ngei ang. Mahse football lover ka nih angin a khellai ngei ka hmu duh" tiin Harzard hian a sawi bawk.
Tuesday, February 16, 2016
** CHELSEA HLAUH CHU PSG AN NI : HAZARD **
0 comments:
Post a Comment