by: Buanga
Pathian zarah kum thar kan lo chuang kai ve leh ta. Min hruaitu Kan Pathian a hming fakin awm leh rawh se! Hun thar kan chuang kai a ni bawk a, tun hun hi hun kal tawh kan thlir leta chuta kan thil \ha tihtea kan lawmna leh kan thil tihsual ti sual leh tawh lo tura rilru kan siam \hat hun atan kan hmang \hin.
Mi zawng zawngin kum thar hi an tan kum \ha ni vek turin an duh \heuh a. A bul \an \hat chu a zatve zo ang a ni an tih \hin kha. Chuvang chuan, kumtir hi kum tluana an thil tih tur ruahman nan an hmang \hin. Keini chuan Kum thar Thutiamte kan nei \hin. Thutiam hi kan nei ve \heuh a, mahse, Pathian thu nen a inmil em tih erawh kan chhut ngai meuh em le? KRIsTIAN kan nih angin engtin nge thutiam kan siam ang?
Tu ta nge i nih chhut rawh: 1Peter 1:18-19-a, “,...in thlahtute pek chhawn, in awm dan engkhaw ni lawilolak ata chu, thil chhe thei, tangka leh rangkachaka tlan in ni lo va, beram no hmelhem lo leh bawlhhlawh kai lo thisenanga Krista thisen hlu chuan tlan in ni zawk tih in hre si a;..” tia ziak a ni a. Satena bawi kan nia, Mahse kristan a thisen hluin min thlana Pathianin bawite kan ni ta! Korinth 6:19 chuan “Mahni ta pawh in ni tawh lo” a ti a ni. Chu mi awm zia chu I nunna hi nang ma ta a ni lo va, Isua zawk hi lal tur zawk a ni. Manna lei I ni tawh si a.
Pathian hnena I thu thlung hlen rawh: Isua chu Lal leh Chhandamtu a i pawm kha Pathian hnena thu i thlun chu a ni. Vanduaithlak tak mai chu Isua chu Chhandamtu atan kan duh a, Lal atan erawh kan duh lo a ni. Isuan Chhandamna hna hautak tak min neih sak ta bawk a, I chua pa la nge, lo awl tawh rawh a bak zawng ka thu thuin ka lo ti ve tawh a nge lo in rawlh buai ve tawh suh kan ti a ang ta khawp mai.
Isua chuan chhandamtu chauh ni lovin Lal nih pawh a duh asin. Ani chu Lal a nih chuan chu mi leh lam chiah chu nang chu a bawi i ni tihna a ni (Rome 6:22;), bawi chuan a duh duh a ti thei lo a, a pu duh zawng a ti zawk \hin. Bawi kan nih hi kan theihnghilh a. Inti tunlai deuh mai hian, “It’s my life” kan ti zungzung mai a. Ka hnenah lo kalin awm dan tur, \awng dan tur etc…… min hrilh turin ka duh lo che, “It’s my life” tiin Isua hnenah kan sawi \hin a ni ta ber lawm ni? Paula chuan, “,...tuna ka nung hi kei kani tawh lo a, Kirsta keimahah a nung zawk,...” a ti. Tuna i nung hi mana lei tawh Krista zara nung i ni tih hriain ama bawih ni tura i thutiam chu hlen ngei ang che.
Rin awmna um rawh: Leilung leh a chhunga thil awm zawng zawng hi Lalpa ta ani. Tunah chuan Pathian ta i ni a, Pathian bawih i ni tawh a, rinawm a \ul ta. I thil nei zawng zawng pawh Pathianin a kawltir mai che a ni, tuna i nun leh I hun hman pawh. 1Korinth 4:2, “Hetah hian enkawltu chu mi rinawm nih a ngai bawk a ni.”
Pathianin bawih rinawm leh rinawm lo chunga ro a rel dan chu kan hriat kha. Paulan Isua Krista bawih khan, a hun tawp a hnai tawh a hriatin Pathianin ti tura a tih chu a hlen tih a inhre thei a nih kha.
Vawinah Evan emaw, Pastor emaw i ni lo thei, mahse, Pathian thu chuan mi tin hian rawngbawlna kan nei a ti. Biak inah chauh pawh a ni lo. I talent leh i Thlarau thilpek dawn chu Pathian a petu ropui nan hman hi Pathian lak a rinawm na a ni.
He kan tar lan tak Pathum: Tu ta nge i nih?: I thu thlng hlen(Pathian thu awi) leh Ama tan rinawm tak nih tumin, kum thar thu tiam i lo siam dawn nia.
Lalpan Malsawm che rawh se!
0 comments:
Post a Comment