Post by: Francis Da Gunners
* Nizana Crystal Palace striker Emmanuel Adebayor-a'n minute 45-na a Watford laka a goal khung kha a club tan a goal hmasaber niin October 2014- hnua Premier League a a goal hmasaber a ni bawk.
* Manchester United manager Louis Van Gaal chuan nizana Sunderland laka 2-1 a an chak loh hnuah an tan Champions League khel tur chuan a harsa talh tawh ang tih a sawi. United hi top 4 a awm ho aiin khelh khatin an khel tam tawh a, palina a awm mek Manchester City nen an inthlauhna point 6- a ni tawh.
* Van Gaal chuan Mourinho chungchang a sawinaah Mourinho nen hian inbiakna an nei lo a, amah thlaktu tur nia sawi thawm awm vel chungchangah football khawvelah chuan hetiang hi thil thleng ngai a nilo a, Jose-a'n alo call pawh a beisei lo a, amah pawn call emaw a tum loh thu a sawi.
* MLS Orlando City captain Kaka chuan 2016- a a inlanna hmasaber preseason game ah Jacksonville Armada lamah free kick atangin minute 32-na ah goal a khung.
* Serie A club Juventus chuan nizan khan Napoli hnehin hneh loh nei loin match 15- an kalna a ni ta a, table ah Napoli lehpelin point 57 hmuin hma an hruai nghal bawk.
* Nizan La Liga game ah Real Madrid chuan 4-2 in Athletic an hneh a, minute 3 & 87 a goal khungtu Cristiano Ronaldo tan league a a goal 21-na niin La Liga top scorer a ni mek a, Barcelona hmatawng Suarez goal khatin a lehpel a, zaninah Barcelona in Celta Vigo an lo mikhual ve leh dawn a, Suarez hian rawn lehpelhna hun tha tak a nei nghal a ni.
* Nizan khan Valencia in Espanyol lakah 2-1 in hnehna an chang a, manager anih hnuah Neville-a'n match league match 10- a hnehna a chanpuina hmasaber a ni.
* Unites States national team captain, FIFA Women's World Player of the Year Carli Lloyd chuan penalty hlahin Mexico goalkeeper Cecilia Santiago-i'n alo dansak a, mahse alo per leh hi Lloyd hian goal ah a chantir lehnghal a, minute 80-na a goal lut awmchhun hi US tan CONCACAF Olympic Qualifying Championship semifinal luh nan a tawk der.
* PSG chuan an player tha Zlatan Ibrahimovic, Thiago Silva, Thiago Motta leh Maxwell te chawlhtirin Lille an hmachhawn a, PSG hian goal thunna hun tha tak² an hloh nual a, goal awm loa inkhel tinsanin a zawna match 16- chak chunga an kalna chu Lille hian an tihtawpsak ta a ni.
* Former Newcastle United striker Alan Shearer chuan Van Gaal sawiselin Manchester United a enkawl tirh atangin eng hmasawnna mah hmuh tur a awm lo, £250m dawn a seng chung pawn hmalam pena hmasawnna a awm lo tih a sawi.
* Liverpool manager Klopp chuan season tharah Champions League an khel phak emaw phak lo emaw pawh nise transfer ah harsatna an neih loh tur thu a sawi.
Credit: https://m.facebook.com/groups/332429630144201?view=permalink&id=951302134923611
0 comments:
Post a Comment