Hman lai mi deuhte chuan Shan zai thiam hming thang tak "Sai Htee Saing-a" kha kan hre theuhin a rinawm a.A hla tamtak pawh tingtang nen kan lo hlimpui em em thin tawh a nih kha. A hla tam tak hi Dr.Sai Kham Leik-a phuah a ni tih pawh kan hre theuh ang a. Chung zinga hla pakhat "Being Nambat OK 0122L" tih hla hi, a phuah chhan a lo ropuiin a lo ril ngei mai le.
An nupa thirsakawr No..OK 0122L chanchin a sawina leh hlui mah se, an hlutzia lampang a sawina emaw kan lo tih thin kha, chutiang lam sawina mai ni lovin, awmze thuk tak neiin, Politics lam sawina daih a lo nihna hian a phuahtu leh a satute min ngaihluttir lehzual a ni. A nambar sawiho zing atang hian tihian han siam rem ta ila, kan ram, Myanmar(tun hmaa Burma lo ni thin), tan inlungrualna siamchhuahna ni pawimawh takah a rawn chhuak ta daih mai le!
Look 12.2.……tih tak hi!
Vawiin(12.2.2016) hi Aung San Su Kyi-i pa, Bogyoke Aung San-an Pinlone Sa Chhoh(ပင္ လံုစာခ်ဳပ္) -a hnam tinrengten hming sign-a inremna thu an thlunna ni pawimawh tak "Pyidaung Su Day" hi hrereng tura ram hmangaihna thinlung tak pua mipuite min fuihna lam hla a lo ni reng a, a ropui ka ti hle mai. Mi thiamte hian ngaihtuah tham fe thufing tak tak phuma thu leh hla ropui tak tak an siam chhuak thinte hi an ngaihsanawm in ti ve lo maw u?
Aw le, keiniho pawh hian hei hi hrerengin inrem dial diala insuihkhawmzaite hi i rel ve teh ang u hmiang maw le!
https://m.facebook.com/groups/200408893308716?view=permalink&id=1261790033837258
0 comments:
Post a Comment